O IGAPE FACILITA A DIFUSIÓN DE APOIOS, TECNICAS E PROXECTOS DE ENERXÍAS RENOVABLES NO MARCO DE ENERNOVA

(Xornadas técnicas organizadas polo Instituto na sede da  IFEVI . VIGO, 7 e 8 de XUÑO)

O Igape promove e organiza unhas xornadas técnicas de carácter práctico para informar sobre os servizos e apoios en xeral e ás iniciativas empresariais no sector das enerxías renovables en particular. O día 7, a partir das 16,30 horas, haberá presentación de tres proxectos empresariais: Biomasa Forestal, Recover Recuperación e Norvento Enerxía, así como relatorios técnicos de representantes do Igape sobre servizos e apoios a proxectos emprendedores, de investimento ou de mellora da competitividade.

O día 8 haberá sesións técnicas sobre enerxías renovables a partir das 10 horas e intervencións dos directores xerais do Igape e de Xesgalicia, e do vicepresidente executivo da Fundación para a Sociedade do Coñecemento a partir das 12 horas. Pola tarde, a partir das 14,30, reanudaranse os relatorios sobre diferentes aspectos relacionados cos investimentos en enerxías renovables.

Servizo de Atención Telemática do Igape 902 300 903