EMPREGO VIVEIRO

ENCONTRO CON AXENTES COMERCIAIS MEDIADORES NO EXTERIOR
 
Datas: do 1 ao
3 de Xullo de 2008
Lugar: Edificio Igape, Complexo Administrativo de San Lázaro, Santiago de Compostela.

Como continuación ao Punto de Encontro cos Directores dos Centros de Promoción de
Negocios do Igape en Alemania, China, EEUU, Polonia e Xapón, celebrado
recentemente,  durante os vindeiros días 1, 2 e
3 de xullo, estarán en Santiago de Compostela os Axentes Comerciais Mediadores no
exterior, cos que as empresas galegas interesadas nos mercados para os que están
cualificados poden manter entrevistas
individualizadas. Ademais, si así o solicitan, as empresas participantes tamén
poderán recibir información sobre as axudas e outros servizos de apoio á
internacionalización que presta o Igape.
Os Axentes Comerciais Mediadores son cualificados para cada mercado tras contrastar
a súa experiencia. Son expertos en comercio exterior, canles de distribución e
servizos á internacionalización, e
actúan por conta propia e con independencia do Igape.
Os Axentes Comerciais Mediadores que acudirán a este Punto de Encontro, cos que pode
solicitar unha entrevista son os seguintes:
        · Forum Development: axente cualificado para Polonia.
        · Argos Consulting Network, S.L.: axente cualificado para Alemaña, Bélxica,
China, Francia, EE.UU., México, Polonia, República Checa, Suecia e Xapón.
        · Astron Consultores de Gestión, S.L.: axente cualificado para México.
        · Inteligencia y Tecnología S.L. (Equantia): axente cualificado para
Letonia, Polonia, República Checa e Eslovaquía.
        · Asesores corporativos: axente cualificado para China.
        · Enxeñeiros e arquitectos consultores-IDOM: axente cualificado para
Romanía, Marrocos, México, Brasil, Venezuela, Bélxica, Reino Unido, Portugal.
        · González y Cia Asesores, S:L. (Glezco consultores y asesores): axente
cualificado para China.     
 
Máis información: teléfonos 902300903 ou 981 541127.
 

www.igape.es
 

Resolución do 13 de xuño de 2008 pola que se establecen as bases reguladoras que rexerán as subvencións para o apoio ao emprendemento feminino como fórmula de loita contra a discriminación no mercado de traballo (programa Emega) e se procede á súa convocatoria.

Resolución do 6 de xuño de 2008, da Dirección Xeral de Formación e Colocación, pola que se abre o prazo de presentación de solicitudes de inscrición no Rexistro de Entidades Colaboradoras do Servizo Público de Emprego de Galicia para a captación de ofertas.

Orde do 6 de xuño de 2008 pola que se fai pública a ampliación do importe existente para a concesión das axudas para a creación, renovación, modernización e innovación tecnolóxica das empresas de manipulación, transformación, conservación, tratamento e comercialización dos produtos da pesca, o marisqueo e a acuicultura convocadas pola Orde do 20 de febreiro de 2008.

Orde do 6 de xuño de 2008 pola que se desenvolve o Decreto 251/2007, do 13 de decembro, polo que se regula o recoñecemento da condición de entidade colaboradora do Servizo Público de Emprego de Galicia en captación de ofertas e a creación do rexistro administrativo.

Orde do 27 de maio de 2008 pola que se abre un novo prazo de presentación das solicitudes e se modifica a máxima porcentaxe subvencionable dos equipos que se acollan ao abeiro da Orde do 4 de marzo de 2008 pola que se establecen as bases reguladoras para a concesión de axudas en réxime de concorrencia competitiva, das subvencións para a substitución de guindastres-torre desmontables para obras na Comunidade Autónoma de Galicia no ano 2008 (IN420A).

Corrección de erros.-Orde do 28 de abril de 2008 pola que se establecen as bases reguladoras para a concesión de subvencións a pequenas e medianas empresas galegas para apoiar as accións de implantación e certificación de modelos de xestión e a elaboración e verificación de memorias de responsabilidade social empresarial, así como para a selección de entidades colaboradoras que participarán na xestión delas, e se procede á súa convocatoria (procedemento IN514B).

Orde do 4 de xuño de 2008 pola que se establecen as bases reguladoras para a concesión de axudas a transportistas autónomos de mercadorías por estrada que abandonen a actividade, e se procede á súa convocatoria para o ano 2008.

Orde do 3 de xuño de 2008 pola que se amplía a dotación orzamentaria da Orde do 28 de decembro de 2007 pola que se establecen as bases para a concesión de determinadas axudas destinadas ao apoio das explotacións porcinas e cunícolas para a realización de accións tendentes á mellora da calidade das súas producións, baseadas na execución de programas de prevención sanitaria.

Resolución do 26 de maio de 2008 pola que se conceden subvencións a entidades privadas sen fin de lucro para incrementar os usos da lingua galega nos ámbitos da familia, da infancia, da mocidade e do tempo de lecer, ao abeiro da convocatoria regulada na Resolución do 26 de decembro de 2007.